ELAk deitoratu du Osasun Departamentuak egiturazko arazoak konpondu nahi ez izatea

ELAk, LAB, SATSE, SAE, UGT eta Afapna sindikatuekin batera, Osasun alorreko aldarrikapen espezifiko batzuk helarazi zizkion Zuzendaritzari, berehala landu beharrekoak:

1. Plantillak indartzea eta egonkortasuna: Kategoria guztietako langileak gehitzea, paziente bakoitzeko ratioak hobetzea eta behin-behinekotasuna gutxienez benetako plantillaren % 8ra murriztea, lan-eskaintza publiko egonkorren bidez. 

2. Lan-baldintzak hobetzea: Lan-kargak egokitzea higadura eta burnouta geldiarazteko, kontziliaziorako lanaldiak malgutzea eta gutxieneko soldatak KPIaren arabera eguneratzea.

3. Inbertsioa eta modernizazioa: Osasun aurrekontua handitzea Europako batez bestekoarekin parekatzeko, Lehen Mailako Arreta eta Osasun Mentala blindatuz.

4. Benetako prestakuntza: Lan-ordutegiaren barruan egokitutako prestakuntza-planak eta espezialitateen onarpena.

5. Unibertsaltasuna eta ekitatea: Sarbidea oztoporik gabe bermatzea eta itxaron-zerrendak murriztea, baliabide publikoak optimizatuz, hala nola ebakuntza-gelen eraginkortasuna edo arratsaldeko txanden borondatezko ezarpena.

Era berean, eskaera zehatzagoak eta premiazkoagoak ere aurkeztu zizkioten sindikatuek Zuzendaritzari:

1. Arrisku bereziko osagarri bat, gutxienez % 10ekoa esposizioan dauden langile guztientzat.

2. 55 urtetik gorako profesionalak gauetatik salbuestea.

3. Lanaldiaren araberako baimen ordainduak.

4. Larunbat arratsaldeek jaiegun trataera edukitzea,

5. Derrigorrezko prestakuntza-orduak (gutxienez 50 ordu)

6. Lan-kontratuko langileen lanaldiaren ehunekoa handitzea.

Hala ere, gaurko bileran Zuzendaritzak ez du proposamenik aurkeztu. Horregatik, ELAk uste du mobilizazioa beharrezkoa izango dela langileen aldarrikapenak beteko dituen proposamen bat lortu ahal izateko.