ELAk Elecnorren jarduera geldiarazteko eskatu du, ezin direlako gutxieneko segurtasun-baldintzak bermatu

Estatuko Gobernuak osasun-alarma deklaratu zuenetik, Elecnorreko langileek koronabirusa kutsatzeko arrisku larria dute etengabe.

ELAk Movistarren jarrera salatu du; izan ere, bere langileak instalazio-zereginetatik kendu dituela uste du, baina lan horiek Elecnor eta langile autonomoak bezalako azpikontratetara bideratzen ari da. Horren harira, ELAk gogorarazi du aspaldi jarri zituela salaketak Lan Ikuskaritzan, legez kanpoko lagapenagatik. Prekarietate-egoera horri gehitu behar zaio orain enpresak ez dituela gutxieneko segurtasun-neurriak hartzen plantillaren osasuna bermatzeko. Gainera, egoera hori larriagotu egiten da enpresak langile nafarrei estatu mailako ERTE bat ezartzeko hartutako erabakiaren ondorioz, enpresak ez baitu inolako osagarririk ezarri nahi.

Aurreko guztiagatik, eskumena duten agintariei eskatzen diegu ahalik eta tresna gehien jar ditzatela Elecnor eta Movistar enpresek behin eta berriz egindako ez-betetzeak bere osasunarekin ordainduko ez dituela bermatzeko.