ELAk Hezkuntzako atzerriko hizkuntzetako plazen deialdiak errekurritu ditu

2022/12/19
ELAk helegitea sartu du PAI plazen lan eskaintzaren aurrean. Estabilizazio prozesuen testuinguruan, Hezkuntza Departamentuak 766 plaza eskaini ditu soilik. Kontuan hartuz behin-behineko 6.000 bat irakasle dagoela gaur egun, horietatik 4.300 ikasturte osoko kontratuarekin, garbi dago Gobernuak ez duela inolako borondaterik behin-behinekotasunak behera egin dezan irakaslegoan. Europako auzitegiak behin-behinekotasun tasa %8ra arte jaisteko agindua eman badu ere, hemen %50 inguruan jarraituko dugu estabilizazio prozesu hauen ondoren.

Aurrekoa gutxi balitz, irakasleentzat eskainitako 766 plazetatik 352 IIP (PAI) duten ikastetxeentzat erreserbatu dituzte. Ia erdia. Modu honetan, Europak ezarritako egonkortze-helburua perbertitzen du Hezkuntza Departamentuak; izan ere, edozein ikasgai irakasteko plazetan baldintza erantsi bat ezartzen du, C1 atzerriko hizkuntzan, eta horrek hautagai asko prozesuetara aurkezteko aukerarik gabe uzten ditu, Hezkuntzan urteak eman ondoren, eta Nafarroan ofizialak diren bi hizkuntzen eskakizuna betetzen baditu ere.

Horregatik, ELAk atzerriko hizkuntzetako programetarako erreserbatu diren plaza horiek guztiak dagokien hizkuntzan eskaintzeko helegitea sartu du, euskaraz zein gazteleraz, eta ez diezaiola horren urria den EPEari bidegabea den eskakizunik gehitu.