ELAk Nafarroako lan ezbeharren odolustea geldiaraztea eskatu du

2022/09/08

Cementos Portlandeko (Olazti) langile baten heriotza dela eta, ELAk patronalari eskatu dio utz diezaiola onura ekonomikoa segurtasunaren gainetik lehenesteari, eta salatu du Administrazioak ez dituela kontrolerako behar beste baliabide jartzen. Bide beretik, kontrolerako bitarteko publikoak areagotzea eskatu du, elkarrizketa sozialeko politikak alde batera utzita; aldi berean, langileak mobilizatzera deitu ditu, enpresen eta lantokien lan ezbeharrak desagerrarazteko.

ELAk jakin ahal izan duenez, gaur, irailak 8, langile bat hil da orga jasotzaile batek harrapatuta, Olaztiko (Nafarroa) Cementos Portland enpresan. Sindikatuak ikerketa sakona egitea eskatu du, ezbeharraren arrazoiak eta erantzukizunak zehazteko.

Aurten, honez gero 12 pertsona hil dira lan-istripuz Nafarroan, 55 guztira Euskal Herrian. 2012tik, laneko ezbehar tasa %30 igo da, eta laneko heriotzak (%40) gertatzen dira enpresek ez dutelako segurtasun neurririk. “Erreakzionatu beharrean, patronala isilik geratzen da behin eta berriz, eta Nafarroako Gobernuak baliabide publikoak esleitzen dizkio CEN, UGT eta CCOOen Prebentzioko Lurralde Ordezkariaren figurari, NOPLOI eta Lan Ikuskaritza baliabide faltagatik kolapsatuta mantentzen dituen bitartean”.