VW-ek negozioa egin nahi du koronabirusarekin, UGT eta CCOOrekin enplegu-erregulazioko espediente bat hitzartuta

2020/03/03
ELAk dio 2020rako ekoizpen-planak aukera ematen duela lanaldi industriala aplikatzeko eta ez funts publikoetara (EEE) jotzeko, enpresak kostuak aurreztu ditzan. Salatu duenez, VW Navarrako zuzendaritzak koronabirusaren erruz duen hornidurarik ezaren arriskua erabil dezake diru publikoaren kontura negozioa egiteko, EAEE (Enplegua Aldi Baterako Erregulatzeko Espedientea) bat adostu nahi baitu UGT eta CCOOren laguntzarekin, maniobra hori ontzat ematen duten bi erakundeak. Dakigunez, - gehitu du- langileriak EAEE garaian kobratzen duen langabeziaren zati proportzionala diru publikoa da, eta kasu honetan VW Navarrak erabili nahi du, Landabenen urteko azken ekoizpena murriztu ez arren, eta, beraz, enpresaren irabaziak ere ez dira gutxitu. Finean, Volkswagenek koronabirusarekin negozioa egiteko aukera gorde nahi du, UGTren eta CCOOen elkarlanari esker.

Gogoratu behar da VW Navarrako langileek soldataren %100 kobratzen dutela 216 egunetan hainbanatuta (2020ko banakako lanaldia), Landabenek 209 egunetan egin dezakeena baino ekoizpen handiagoa baitu (erreferentziako lanaldia). Zazpi eguneko diferentzia horietan ez da soldatarik kobratzen, plusak bakarrik. Gauzak horrela, ELAk salatu du ez duela zentzurik egunen batean ixteko aukera izanez gero aurrekontu publikoak enplegu-erregulazioko espediente baten bidez ordaintzea: plantillak ez du gehiago kobratuko, baina enpresak lanaldi horien lan-kostua aurreztuko du.

Azken batean, gehitu du, "EAEE bat onartezina da, diru publikoaren kontura enpresarentzat kostuak aurreztea baino ez dakarrelako. Enplegu-erregulazioa aplikatu baino lehen, VW Navarra lehiakortasun data deitutakoak (plusak soilik kobratzen diren 7 egun horiek) industria-lanaldi bihurtu beharko lituzke (produkziorik gabe), langabeziaren igoera kobratzera joatea saihestu".