ELAk sexu-jazarpenari buruzko ekitaldia egin du Iruñean indarkeria matxistaren aurkako kanpainaren barruan

2017/11/22

ELAk sexu-jazarpenari buruzko ekitaldia gauzatu du gaur Iruñean, indarkeria matxistaren aurkako kanpainaren barruan. Ehun bat lagun bildu dira Udal Plazan “Lan mundutik indarkeria sexistari STOP” leloa zeraman pankartaren atzean. Gogoratu behar da larunbat honetan indarkeria sexistaren aurkako eguna izanen dela, eta horren barruan kokatu behar da gaurko ekitaldia.

Elkarretaratzea egin aurretik, ELAk hitzaldi bat eskaini du Lohitzune Zuloagarekin eskutik. “Zure boterea, nire jazarpena” (¡No seas cómplice del acoso machista!)” izan da ELAk hautaturiko aurtengo leloa. Lohitzune Zuloagak sexu-jazarpenaren ezaugarriak azaldu ditu: horren atzean beti dago sexu-eskari bat, botere harremanak probestuz. Kasu gehienetan, emakumeek jasaten dute euren nagusien aldetik, batzuetan prekarizazioaren ondorio bezala, baina baita lanpostu kualifikatuetan daudenei ere eragiten die. Beste motatako jazarpena da sexu arrazoiengatik jasotzen dena, sexu-eskaririk gabe baina bai diskriminazioaren bidez, beti ere emakumea izateagatik (bilera garrantzitsuetara ez gonbidatzea, bigarren mailako eginkizunak agintzea emakumea izateagatik eta abar).

Bestalde, Jone Bengoetxeak (ELAko genero atalekoa) eta Maria Baldak (ELA Nafarroako arduradun albokoa) sindikatuaren barruko betebeharrak azaldu dituzte: zeintzuk diren gai honekin ELAren kompromisoak, berdintasun planak eta ekiteko protokoloak. Nafarroan ere, emakume langileen borroka agerian dago, Amma zahar-egoitzetan edota Casa de Misericordian, besteak beste.

Iruñeko kontzentrazioan abesturiko bertsoa:

Pi pi pi pi pi pi pi pi pi pi

Sutan laneko guatsapa

Bideo porno pila bat eta

Txiste matxistak bueltaka

Komentario sexistak ere

Noski behar dira aipa

Honek ez dauka graziarikan

Honek ematen du nazka

Entzun ezazu lankide maite

Ez eman gehiago kaka

“Txantxa bat dugu, haserre zaude?”