LANGABEZIA

Kontratuen ia %80 aldi baterakoak izan ziren

2024/07/02
Nafarroan 767 langabe gutxiago erregistratu ziren ekainean. Hala ere, urte arteko tasak adierazten du ia berdin gaudela. Emakumeei dagokienez, aurreko hilean baino 247 langabe gutxiago egon ziren. Hala ere, emakume langabeen ehunekoak gora egin zuen berriz ere, eta % 61,7koa izan zen. Langabezia-tasak Europako batez bestekoaren oso gainetik jarraitzen du; Nafarroan, berriz, % 9,6koa izan zen, eta Europar Batasuneko batez bestekoa % 6koa.

Kontratazioari dagokionez, kontratuen behin-behinekotasun-tasak okerrera egin zuen berriro, aurreko hilabeteetako kopuruekin alderatuta, eta lan-erreforma onartu zenetik izandako erregistrorik txarrenetakoa izan zen. Espainiako ministerioak emandako datuen arabera, sinatutako kontratuen % 78,1 aldi baterakoak izan ziren. Aipatzekoa da Estatuan Nafarroak (EAErekin batera) izan zuela aldi baterako kontratuen tasarik altuena, alde handiarekin; Estatuan, aldiz, 22 puntu beherago egon zen, zehazki, % 56an.

Ekaineko datuak negatiboak ez diren arren, datu horiek geldialdi txiki bat erakusten dute. Urte arteko adierazleak adierazten du ia maila berdinean gaudela. Gainera, enpleguaren kalitateak ez du ona izaten jarraitzen, behin-behinekotasunaren gorakadak erakusten duen bezala; ekainean, bost kontratutatik ia lau behin-behinekoak izan ziren.