Lau gaztetik bat lanik gabe dago Nafarroan
Okupazioa bigarren hiruhilekoaren maila berean mantendu da. Emakumeek 1.500 landun gutxiago izan dituzte; ondorioz, emakume enplegatuen proportzioa % 45,9ra jaitsi da. Sektoreei dagokienez, eraikuntzan (7.100) eta zerbitzuetan (1.000) enplegua suntsitu da; nekazaritzan (2.600) eta industrian (4.600), berriz, igo egin da. Industrian gora egin arren, iazko hiruhileko berean baino 4.400 gutxiago gaude oraindik.
Kontratuen iraupenari erreparatzen badiogu, azken hiruhilekoan kontratu mugagabea duten pertsonak 2.000 gehiago dira. Gainera, esan behar da aldi baterakotasun tasak oso altua izaten jarraitzen duela ( % 21,1). EBrekin alderatuta, behin behinekotasun maila handiena duen zerrendako laugarrena da, EBko batez bestekoarekiko zazpi puntuko aldearekin. Beraz, behin-behinekotasunak egiturazko arazo izaten jarraitzen du.
Enplegurik gabekoei dagokienez, bigarren hiruhilekoan 28.900 pertsona egon dira lanik gabe, aurreko hiruhilekoan baino 800 gehiago. Horrela, langabezia tasa % 9ra igo da. Langabeen artean, ikusten dugu emakume gehiago daudela egoera horretan. Emakume langabeen tasa askoz handiagoa da, % 10,7 gizonena baino ( % 7,5).
Bestalde, azpimarratu behar da Europar Batasuneko langabezia tasa oso azpitik dagoela oraindik ( % 6). Azkenik, gazteen egoera prekarioa aipatu behar da. Enplegua suntsitzeaz gain, 1.100 langabe gehiago daude. Horrela, gazteen langabezia tasa zifra eskandalagarrietara itzuli da, Nafarroan lau gaztetik bat langabezian baitago.
Ziurgabetasunez beteriko testuinguru ekonomiko batean gaude, non bizitzaren garestitzea eta soldaten aurkako erasoa gero eta nabariagoa den. Enpleguari ere eragiten dion testuinguru bat da, une honetan, inkestak eskaintzen dituen datuak gorabehera, Nafarroako milaka pertsona egoera prekarioan daudela, asko soldata baxuekin, laneko segurtasun faltarekin eta beste hainbeste behin behineko kontratuekin. Horregatik, egoera horren aurrean, beharrezkoa da langile klasearen baldintza materialak hobetzearen alde borrokatzeko antolatzea eta mobilizatzea.