Nafarroako Gobernuak azpikontrataturiko informatikariek ordu bateko lanuztea egingo dute bihar

2017/07/31
Zerbitzu publiko honen esleipenean subrogazioa eskatuko dute 50 pertsonen lanpostuak salbatzeko helburuarekin Nafarroako Gobernuak azpikontratatzen duen zerbitzu informatikoaren zati bat lehia- prozesu berri batean dago, datozen hiru urteetarako enpresa pribatu baten esku uzteko.

Nafarroako Gobernuak enpresen arteko lehiaketa honen baldintzak ezarri behar dituenez, bertako langileek subrogazioa sartzeko eskatzen die, euren lanpostuak babesteko.

Hala ere, Nafarroako Gobernuak subrogazioari uko egin dio, eta gauzak horrela, langileek ordu bateko lanuzterako deialdia plazaratu dute biharko, asteartean, abuztuaren 1ean. Lanuztea goizeko 8etatik 9etara gauzatuko da.

Subrogazioarik gabe, zerbitzu honetan lan egiten duten 50 langileen lanpostuak arrisku bizian daude. Nafarroako Gobernuaren jokaerak prekarizazioaren hedapena besterik ez dakar. Oso larria da, bere ardurapean dagoen zerbitzu publikoa dela kontuan hartuta.

Langileak Nafarroako Jauregiaren aurrean elkarretaratuko dira (Carlos III etorbidean) goizeko 8.15etik 8.45era.