Nafarroako Sedena kultur enpresako langileak grebara irten dira

2019/10/08
Geldialdiaren helburu nagusiak bi dira: murrizketak geldiaraztea (gehienbat garbiketaren arloan) eta kultur arloko lan-baldintzak hobetzea. Greba urriaren 8, 9 eta 10an egingo da. Sedenak kultur etxe ugari kudatzen ditu Nafarroan eta zentro horiei grebak eragingo die. Haien artean daude hauek: Iruñeko Udalaren Civivox sarea; Iruñeko San Juan Bosco zentroa; Iruñeko Gaztediaren Etxea; Nafarroako Errege Artxibo Nagusia; Nafarroako Liburutegi Orokorra; Civican; Tuterako auzo-etxea; Zizurko Kultur Etxea; Beriaingo Gazte Zentroa; Burlatako Gazteleku; San Adriango Gazte Zentroa; eta Huarteko Arte zentroa.

Sedenako enpresa batzordearen ustez (ELAko 9 ordezkariekin, CCOO-eko 4 eta UGT-ko 4), lan-baldintzen etengabeko okertzearen ondorioz eta enpresarekin akordio batetara ailegatzeko ezintasunaren aurrean, greba izango da tresna baliagarri bakarra.

Greba hau bultzatu duen azkenengo arrazoia argia da: Civivox-eko garbitzaileen soldata eta jardunaldiaren %5 eta %19-aren arteko beherapena, Iruñeako Udalak eskainitako kontratu batetara aurkeztu delako, lan baldintzek behera egiten zuten arren.

Murrizketa honen aurrean, batzordeak alor honetako zinegotziak duen ardura ere salatu nahi dugu, Fermin Alonso izenekoa. Langileen ordezkariekin biltzeko gure eskaerari uko egin dio, nahiz eta zerbitzu hauen arduraduna bera den eta enpresak honetan justifikatu duen bere erabakia.

Horretaz gain, eremu kulturalean (hiritar zerbitzuak, kultur etxeak, ludotekak, liburutegiak, museoak, etab.) jarduten duten langileentzako akordio baten aurrerapen falta ere salatzen dugu. Enpresa-batzordeak kolektibo honen lan-baldintzak hobetu nahi ditu, bereziki aspektu hauetan: soldata baxuak (hamarkada oso bat izoztutak egon direnak kasu batzuetan) horienaganako murrizketak soldata zein jardunaldietan, jardunaldi partzialak... Enpresak, orain arte, ez die aldarrikapen hauei erantzunik eman, nahiz eta egoera ekonomiko osasuntsuan dagoen.

Azpimarratzekoa da zerbitzu honen gehiengoa esparru publikoko azpikontratazioa dela. Horregatik, administrazioei eskatzen diegu kontratuen inguruko legea errespetatzeko eta eskaintzak ateratzen dituenean, langileen jardunaldi eta lan-baldintzak errespetatzeko. Honekin batera, mugitzen ari diren langileen greba-eskubideari errespetua eskatzen dugu.

Hiru greba-egun hauek hasierako mobilizazioa izango dira, etorkizunean langileriaren eskaerei erantzun egokia ematen ez bazaie, hauekin jarraitzeko asmoa azpimarratzen dugularik.