ELA Lanaren Nazioarteko Erakundearen (LANE) Lanaren 110. Nazioarteko Konferentzian parte hartzen ari da
ELA Genevan (Suitza) maiatzaren 27tik ekainaren 11ra ospatuko den Lanaren 110. Nazioarteko Konferentzian parte hartzen ari da. Konferentziak LANEko kide diren 187 herrialdetako gobernuen, enplegatzaileen eta langileen ordezkariak biltzen ditu, lan-munduaren etorkizuneko erronkei buruz hausnartu eta hauei aurre egiteko.
LANEren Lanaren Nazioarteko 110. Konferentziak, urtero Genevan biltzen denak, lanaren nazioarteko arauak eta LANEren politika orokorrak ezartzen ditu, eta gizarte- eta lan-gai nagusiak eztabaidatzeko foroa ere bada. Konferentziak laneko osasun eta segurtasunarekin, ikaskuntzarekin eta lan egokiarekin eta ekonomia sozial eta solidarioarekin lotutako gaiei buruzko eztabaida azpimarratu du aurten, besteen artean.
Bestalde, beste urte batez, Lanaren Nazioarteko Arauak Aplikatzeko Batzordeak lanaren nazioarteko arauak urratu zituzten herrialdeetako kasuak aztertu eta eztabaidatuko ditu. Aurten 22 kasu izango dira (24 aztertu ohi dira). Aurtengo zerrendan, besteak beste, Hungaria eta Herbehereak daude.