Albisteak

Badira berrogei urte Marokok saharar herriaren eskubideak sistemaz urratzen dituela, batik bat lurralde okupatuetan: han herritar sahararrak zapaldu, diskriminatu eta baztertu egiten dituzte, eta ostu egiten dizkiete beren baliabide naturalak, baita lan duinerako eskubidea ukatu ere. Orain, UGTSARIO saharar sindikatuak argitaratutako azken txostenean jaso dira marokoar gobernuak Mendebaldeko Saharan egin dituen giza-eskubideen urraketa batzuk.

ELA Bangkoken (Tailandia) uztailaren 19tik 26ra ospatzen ari den Hezkuntzaren Nazioartekoaren 8. Munduko Kongresuan parte hartzen ari da. Kongresuak 1200 partehartzaile inguru bildu ditu. Hezkuntzaren Nazioartekoa mundu mailako hezkuntzako sindikatuen federaziorik handiena da eta 170 herrialde eta lurraldetako 32 milioi langile baino gehiago ordezkatzen ditu.

ELAren ordezkaritza zabal batek partu zuen Vienan Europako Sindikatuen Konfederazioaren XIV Kongresuan. Landeiak Kongresuaren inguruko informazioa jasotzen du.

ELAk elkartasuna adierazi nahi die Santa Cruz erregionaleko Idazkari Nagusi eta ATE Santa Cruzeko Idazkari Nagusi diren Olga Reinoso eta Alejandro Garzón sindikalistei. Guztiz gaitzesten dugu beren askatasun sindikala erabiliz Santa Cruzeko langileen eskubideak defendatzeagatik jaso duten zigorra.

Sindikatu brasildarrek elkarrekin greba orokorrera eta mobilizazioetara deitu dute Brasilen ekainaren 14an, Jair Bolsonaro presidentearen gobernuak inposatzen dituen atzerapauso sozialen aurrean.

ELA Genevan ekainaren 10etik 21era ospatuko den Lanaren 107. Nazioarteko Konferentzian parte hartzen ari da. Aurtengo Konferentzian gobernu, enpresari eta langileen 5.700 ordezkari bildu dira, lan munduko erronkei buruz hausnartzeko eta Lanaren Nazioarteko Erakundearen (LANE) 100. urteurrena ospatzeko.

“Sindikatuok berehala heldu behar diogu klima aldaketaren kontrako borrokari”. Hala adierazi du Laura González de Txabarri, ELAko nazioarteko harremanen arduradunak, maiatzaren 21etik 24ra Vienan ospatu den Europako Sindikatuen Konfederazioaren (CES) 14. Kongresuan.

Mitxel Lakuntza idazkari nagusia buru duela, Europako Sindikatuen Konfederazioaren (CES) 14. Kongresuan parte hartzen ari da ELA. Hilaren 21ean hasi eta 24an amaituko den kongresuan Konfederazioko kide diren 90 sindikatu eta 10 federazioetako ordezkariak bilduko dira Vienan. Austriar hiriburuan europar sindikatuek datozen lau urteetan izango duten ekintza programa erabakiko da, baita Vienako Manifestua ere, datozen aldirako europar jarduera sindikalaren oinarriak jasotzen dituena, hain zuzen ere.

Maiatzaren 15ean Nakbaren 71. urteurrena ospatzen da. Data honek Israelek eragindako hondamendi palestinarraren hasiera markatzen du: 700.000 palestinar baino gehiagoren kanporatzea eta 300 herri baino gehiagoren suntsipena eragin zuen, besteak beste. Bada, orain, urteurrenean, Eurovision jaialdia ospatzen ari da Tel Aviven, Israelek bere irudia garbitzeko eta nazioarteak Israelek gizarte palestinarraren kontra egindako krimenak normalizatzeko saiakera garbian.

Hainbat erakundek, ELA tartean, manifestazioa deitu dute maiatzaren 4rako, larunbata, berriki Venezuelan egondako estatu-kolpe saiakera salatzeko. ELAk inperialismo estatubatuarraren kanpo injerentziei eta inberbentzioei ezezkoa adierazi nahi die, ez Venezuelan ez inon ere. Manifestazioa 18:00tan hasiko da, Plaza Eliptikoan.

Europar Batasuneko Justizia Auzitegiak, Luxemburgon egoitza duenak, gaur apirilak 30, CETA merkataritza libreko akordioaren inbertitzaile eta estatuen arteko eztabaidak konpontzeko mekanismoa, (ISDSa), europar zuzenbidearekin bat datorrela ebatzi du.

CTA Autónoma, CTA de los Trabajadores eta CGTaren gremio garrantzitsuak barne dituen Frente Sindical para el Modelo Nacional delakoak greba orokorrera eta mobilizazioetara deitu du Argentinan apirilaren 30erako, Mauricio Macri presidentearen eredu neoliberalak eragiten duen herriaren pobretzearen aurrean.

Apirilaren 5ean Donostian egingo den Ohiz-kanpoko Kongresu Konfederalaren baitan ELAk eta Manu Robles-Arangiz Fundazioak Nazioarteko Mintegia antolatu dute. Nazioarteko Mintegian mundu osoan zehar eskuin muturreko gobernu autoritarioak izaten ari diren gorakada aztertu dira.

Apirilaren 5ean Donostiako Kursaal aretoan egingo den Ohiz-kanpoko Kongresu Konfederalaren baitan ELAk eta Manu Robles-Arangiz Fundazioak Nazioarteko Mintegia antolatu dute. Hitzordua apirilaren 4ean izango da, 10:30tan, Euskal Herriko Unibertsitateak Donostiako campusean duen Carlos Santamaria eraikinean.

Europar Parlamentuak Marokorekin sinatu du Mendebaldeko Sahara barne hartzen duen arrantza akordio berria (415 boto alde eta 189 kontra). Akordioak ez du nazioarteko legedia betetzen, Mendebaldeko Sahararen espolioan sakontzen du eta saharar herriaren eskubideak urratzen ditu.

ELAk bat egin du Europako 200 sindikatu eta gizarte eragiletik gora multinazionalek duten gehiegizko boterearen aurka martxan jarri duten #StopISDS ekimenarekin. Kanpaina hau bultzatzen duten eragileok uste dugu ISDS mundu mailako mehatxua dela. Demokrazia, giza eskubideak, zuzenbidezko estatua, ingurugiroarekiko babesa, osasuna, genero berdintasuna, zerbitzu publikoak eta lan eta kontsumitzaileen eskubideak ahultzen ditu.

Yves Rocher enpresa frantsesaren filial turkiarrak, Flormar markaren komerzializatzaileak, 132 langile (% 80a emakumeak) kaleratu ditu. Beren delitua? Sindikatu batera afiliatzea soldata eta lan baldintza iraingarri batzuen aurka egiteko.

Gaur egungo nazioarteko testuinguruan normaltasun osoz hartzen da etekinak sortzeko helburua lehenestea, giza eskubiderik oinarrizkoenak errespetatzearen gainetik. Eta Euskal Herria ez dago testuinguru horretatik at. Israelgo estatuaren ezaugarrietako bat da nazioarteko ebazpenak ez betetzea, eta Palestinako herrian pairatzen diren okupazioa eta diskriminazioa normaltasunez onartzea nazioarteko erkidegoan.

Davosen (Suitzan) ospatzen ari den Munduko Foro Ekonomikoa aprobetxatuz Oxfamek argitaratu duen txosten baten arabera, krisiaren hasieratik munduko pertsona dirudunenen aberastasuna izugarri handitu da. Milamilioidunen kopurua ia bikoiztu egin da krisia hasi zenetik. Daukaten aberastasunak ez du aurrekaririk, eta bitartean gizarteriaren erdia muturreko pobrezian bizitzeko zorian dago, eguneko 5,50 dolar baino gutxiagoko aurrekontuarekin.

ELAko ordezkaritza bat CGILren (Confederación Italiana de Trabajadores) 18. kongresuan parte hartzen ari da Barin. Bost milioi kide baino gehiagorekin, CGIL Italiako konfederaziorik zaharrena eta handiena da, eta ELAk erlazio estua du berekin orain dela urte asko.

ELAk babesa ematen die erakunde terrorista bateko kide izatea leporatuta epaituak izango diren Turkiako KESK sindikatuko 97 kideei. Lan sindikala egiteagatik gutxienez 6 urte eta 3 hilabeteko espetxe zigorrak ezarri diezaiekete.

Euroganberak EBren merkataritza akordiorik garrantzitsuena onartu zuen abenduaren 12an Estatu kideen parlamentu nazionaletatik pasatu gabe. Munduko laugarren ekonomiarik handiena eta EBaren Asian bigarren kide komertziala den Japoniarekin sinatu den akordio honek multinazionalek duten boterea handitzen du: gobernuetan eta etekinak lehenesten duten legegintzan eragiteko.

ELAko ordezkaritza batek abenduaren 2tik 7ra Kopenhagenen (Danimarka) izan den Nazioarteko Konfederazio Sindikalaren 4. Mundu Kongresuan parte hartu du. Kongresuan 106 milioi langile ordezkatzen dituzten 250 erakundeetako 779 delegatuk hartu dute parte, guztira, 131 herrialdetakoak.

Adolfo Txiki Muñoz buru dela, ELAko ordezkaritza batek abenduaren 2tik 7ra arte parte hartuko du Nazioarteko Konfederazio Sindikalaren 4. Mundu Kongresuan; oraingoan Kopenhagenen (Danimarka) izango da, eta bere goiburua “Langileen boterea areagotzeko, arauak aldatu”. Mundu guztiko 1.200 bat ordezkarik hautatuko dute mundu mailan den erakunde sindikalik handieneko zuzendaritza berria; NKSk 207 milioi langile ordezkatzen ditu.

300 gizarte-antolakundek baino gehiagok eta hainbat sindikatuk, besteak beste ELAk, eskari-gutun bat plazaratu diete gobernuei, alegia, urria amaieran Vienan Nazio Batuetako bileretan parte hartu duten gobernuei. Gutun horren bidez Inbertsiogileen eta Estatuen arteko gatazkak konpontzeko prozedura polemikoa (ISDS ingelesezko sigletan) goitik behera berraztertzeko eskatzen zaie; merkataritzaren eta inbertsioen nazioarteko itun asko prozedura horri atxikita baitaude.

ELAk tratatu lotesle bat egitea sustatu du, enpresa transnazionalen (ETN) zigorgabetasunari amaiera emateko. Eta, alde horretatik, Genevan, urriaren 15etik 19ra, izan den kanpaina batean parte hartu dugu. Kanpaina global horren helburuak hauek dira: herrien subiranotasuna sendotzea, korporazio-boterea suntsitzea eta ETNen zigorgabetasuna azkentzea. Guztiz beharrezkoa eta premiazkoa da arau-tresna bat sortzea, giza eskubideak enpresa handi horien jardueretatik babesteko.

ELAk parte hartu du Bruselan izan den Erretiratu eta Adinekoen Europar Federazioaren (Ferpa) 8. Kongresuan, urriaren 15 eta 17a bitartean. Xabier Perez Herrero izan da Euskal Herriko pentsiodunen ahotsa Bruselara eraman duen ordezkaria, eta Kongresuan izan duen partaidetza baliatuz gurean pentsio publiko duinen alde egiten ari diren mobilizazio handien berri eman du. Kongresua gaur bukatu da, idazkari nagusi izateko Agostino Siciliano aho batez hautatu dutelarik; Ferparen buruak hitza eman du bere ahalegina izango dela pentsiodun eta adinekoen kolektiboaren bizimodua hobetzeko borrokak Europa mailan aldi berri bat hastea.

ELAren delegazio bat, Xabier Anza, Laura Gonzalez de Txabarri eta Eider Azcunagak osatua, -prestakuntza arduraduna, nazioarteko arduraduna eta nazioarteko saileko kidea, hurrenez hurren- egunotan Ankaran da, zerbitzu publikoetako KESK sindikatuari bisita egiten; bidaiaren xedea da bertatik bertara ezagutzea sindikatuak eta giza-eskubideen aldeko elkarteak gero eta errepresio gogorragoaren aurka aurrera daramaten borroka.

EBak uztailak 17an bere merkataritza akordio handiena (JEFTA) sinatu du Japoniarekin. Akordioa 2019an, Parlamentu japoniarrak eta Parlamentu europarrak aprobatu ondoren, martxan jarriko da. Aldaketa klimatikoa gelditzeko esfortzuak bermatu beharrean emisio kutsakorrak biderkatuko dira distantzia handira produktuen elkartrukeak bermatzean.

Uztailak 17an agintari europar eta japoniarren arteko goi-bilera ospatuko da Tokion (Japonia) non EB-Japonia (JEFTA) akordio ekonomikoa sinatuko dute. Ohikoa den bezala, EB-Japonia arteko merkararitza libreko akordioaren negoziazioa opakutasun osoz egin da eta korporazioa handien lobbien eraginaren azpian, organizazio zibilien parte-hartze eskasarekin eta sindikatu eta beste erakunde sozialekin bildu gabe.