ELAk gaitzetsi egiten du Espainiako Gobernuak Mendebaldeko Sahararako Marokoren autonomia plana babestu izana

Mendebaldeko Saharak urteak daramatza Marokoren okupazioa pairatzen, kolonia-potentzialak, Espainiak, bere kasa, deskolonizazio-betebehar guztiak bete gabe utzi ondoren.

Espainiako Gobernuak nazioarteko legalitateari eta NBEren ebazpenei jaramonik ez egitea erabaki du, saharar herriari beste behin ere bizkarra emanez. Izan ere, NBEk duela hamarkada batzuk ondorioztatu zuten irtenbidea Mendebaldeko Saharan autodeterminazio-erreferenduma egitea zela.

ELAk gaitzetsi egiten du Espainiako Gobernuak Mendebaldeko Saharari buruz duen jarrera tamalgarri eta lotsagarria, zuzenketa bat eskatzen dugu eta, beste behin ere, saharar herriaren autodeterminaziorako eskubide negoziaezina eta indargabetu ezina aldarrikatzen du.

Ildo horretan, Espainiako Gobernuak adierazitako jarrera berria gogor salatzeko Euskadiko Saharako Ordezkaritzak, Elkartasun Mugimenduak eta Saharako Diasporak martxoaren 22an, 19:00etan, Euskadin zehar deitutako elkarretaratzeak babesten ditugu eta gure militantziari horietan parte hartzeko dei egiten diogu.