Kapitalari Planto plataformak Europako Funtsak arbuiatzen dituen gida argitaratu du, eta berreskuratze eredu berri bat proposatu

2021/06/17

Kapitalari Planto plataformak Europako Funtsek Hego Euskal Herrian duten eraginari buruzko gida bat egin du, funts horiei buruzko benetako eztabaida pizteko. EAEko eta Nafarroako Europako Funtsen azterketa jasotzen du gidak, eta egungo eredua baztertu ostean, alternatibak proposatzen ditu. Orain arte egindako gidarik osatuena eta eguneratuena da. Bertan, funtsen izaera eta egitura orokorra azaltzeaz gain, EAEko eta Nafarroako egoera jasotzen da, adibide eta kasu praktikoekin.

IRAKURRI GIDA

Zehazki, gida oso modu didaktikoan egituratuta dago, bederatzi galderaren bidez: batetik, funtsen gaineko oinarrizko gakoak eta helburuak, finantzaketa errealaren zenbatekoa, onuradunak eta ekarriko dituen erreformak azaltzen ditu gidak. Bestetik, funtsen inpaktuan sakontzen da Hego Euskal Herriaren ikuspegitik. Azkenik, trantsizio bideragarriagorako alternatibak eskaintzen dira, fiskalitatea, berregituraketa ekonomikoa edo kontrol publikoaren esparrua, besteak beste.

Nicola Schererren ikuspegi kritikoa

Gida hau egiteko Nicola Scherer alemaniar ikertzaileak parte hartu du. Scherer Open Generation Europako birformulazio programaren analisi kritikoaren Estatuko sareko kidea da, Europako Funtsen eragina aztertzen aitzindaria.
Alemaniarra jaiotzez, Schererrek Bartzelonan egiten du lan Observatori del Deute en la Globalització lanean eta, besteak beste, "Guía Next Generation EU: más sombras que luces" gidaren egileetako bat da.