KUBA Bai! ¡Con los pueblos bajo bloqueo!
Azaroaren 1ean, asteazkena, Bilbon 12:00etan, udaletxearen aurrean, hainbat eragile sozialek, sindikatuk eta EHko alderdi politikok bizikleta-karabana deitu dugu eta amaieran, 12:30etan, Kubarekiko elkartasun elkarretaratzea.
Eta azaroaren 2an, osteguna, Gasteizen 18:00etan, Correos Plazan, elkarretaratze bat egingo da, Hegoak plataforma osatzen duten sindikatuek eta taldeek babestuta.
Egun horietan Nazio Batuen Batzar Nagusiaren bozketa ospatuko da, non Nazioarteko Komunitateak uharteari ezarritako blokeo ekonomikoa, finantzarioa eta komertziala kentzea eskatuko dion AEBko Gobernuari. 31. aldia izango da eta ohikoa denez, bozketa aho batez babestea aurreikusten da, AEBen eta Israelen botoak izan ezik.
Kubako herriari elkartasuna adierazten diogu diogu, uhartearen aurkako blokeo-politika hamaika milioi kubatar errugaberen baino gehiagoren giza eskubideen urraketa masibo, nabarmen eta sistematikoa dela eta behingoz bertan behera utzi behar dela kontuan hartuta.
Gaur, Karibeko uhartean, blokeo horren azken 243 zigorren ondorioz (gehienak Trumpek onartu eta Biden administrazioak aplikatutakoak), pandemiaren ondorioz, eta oinarrizko hornidura-produktuen prezioen nazioarteko gorakadaren ondorioz, elikagaien, sendagaien eta garraioaren hornidura falta zein itzalaldi elektrikoak eguneroko egoera dira.
Itotzeko neurri guztien artean, Etxe Zuriak egindako "terrorismoa babesten duten herrialdeen zerrendan" Kuba sartzea kaltegarrienetako bat da, nazioarteko bankuen itxiera ia osoa baitakar Uhartearentzat eta funtsezko inputak erostea zailtzen baitu, medikamentuak kasu.
Hainbat iturriren arabera, Kubaren aurkako blokeoa "bake garaiko gerra ekintza bat da". Nazio Batuen Giza Eskubideen Kontseiluko kontalari ohi Alfred-Maurice de Zayasek "genozidio" modutzat jo berri du, eta Kubako herritarren artean "gose-, larrialdi- eta nahasmendu-egoera" sortu nahi du, herritarren gobernuaren aurkako matxinada eragiteko.
Oxfam Gobernuz Kanpoko Erakundearen "Blokeorik gabe bizitzeko eskubidea: AEBko zigorren inpaktuak Kubako biztanlerian eta emakumeen bizitzan" txostenak adierazten duenez, Kubako emakumeak dira politika horren biktima nagusiak, zaintza-lan gehienak eta biziraupen-sareei eustea beren sorbalden gain egoteagatik, eta horrek egitura heteropatriarkal bortitza indartzen du.
Elkartasuna adierazten diegu ere Euskadi-Cuba bezalako erakundeei, Uharteari blokeo egitearen aldeko lobby-aren jomugan baitaude eta presio politiko, mediatiko, judizial eta ekonomikoko ekintza larriak jasaten baitituzte. Laster, hainbat ordezkarik kereila kriminal bati aurre egin beharko diote, hainbat urteko kartzela-zigorra eskatuz. Kereila horren helburua erakunde horrek duela hiru hamarkadatik egiten duen garapenerako lankidetzako eta informazio alternatiboko ekintza-lerroak haustea da.
Horregatik, ELAtik herritarrei dei egiten diegu elkartasunezko ekintza bikoitz batean parte har dezaten. Ekimen hauek oihu bat dira, herriek beren subiranotasuna, autodeterminazioa eta esku-sartzerik gabe bakean bizitzeko duten eskubidearen alde.
2023ko azaroaren 1ean, asteazkena, Bilbon 12:00etan: udaletxearen parera eraman dezakezu bizikleta (Oteizaren Oboidearen Saihesbidea eskultura), itsasadarraren ertzak zeharkatuko dituen eta toki berean (udaletxearen aurrean) amaituko den bizikleta-karabana batean sartzeko. Gero, 12:30etan, elkarretaratze herrikoia egingo da bertan.
Eta azaroaren 2an, osteguna, Gasteizen, Correos Plazan, 18:00etan, elkarretaratze bat egingo da.