Greba ekainaren 17ra arte luzatuko dute

Hondarribiko lorezainek greba gutxienez ekainaren 17ra arte luzatzea erabaki dute, Elay Serbitzuak enpresak, Hondarribiako lorezaintza zerbitzuaz arduratzen den udalaren azpikontratak, ez duelako borondaterik hitzarmen propioa negoziatzeko. Langileak enpresarekin biltzen saiatu dira, baina ez dute erantzunik jaso. Greba maiatzaren 15ean hasi zuten. Hondarribiko Udalak, zerbitzuaren azken arduradunak, ez du erantzunik eman. Udalak esan du enpresarekin hitz egin duela, baina langileek ez dute horren berririk, eta oraindik ez dute lan gatazka konpontzeko proposamenik jaso.