Grebaren erabateko jarraipenak itxita mantetzen du hiltegia

Tolosako (Gipuzkoa) hiltegiko langileek hiru hilabete daramatzate kobratu gabe. Gaur, martxoak 11, hamaseigarren greba eguna izan dute -%100eko jarraipena izan du- eta elkarretaratzea egin dute udaletxearen aurrean, bere egoera salatzeko. Batetik, Industrias Cárnicas del Oria enpresari, kudeatzen duen enpresari, zor dituen soldatak ordaintzeko eskatu diote; bestetik, Tolosaldeko Mankomunitateari, zuzeneko arduradunari, zerbitzua bere gain hartzeko eta argitaratzeko eskatu diote. Izan ere, langileek denbora daramate hiltegiaren martxa eskasa salatuz, zerbitzuaren pribatizazioaren ondorioz. Datorren ostegunean, otsailak 13, elkarretaratzea egingo da Tolosako Udalaren aurrean, 9:30ean.

ELAk greba mugagabea deitu zuen otsailaren 24an. Ordutik, hiltegia itxita dago, grebaren jarraipena erabatekoa baita.

Joan den otsailaren 26an Mankomunitateko hainbat kiderekin bildu ondoren, langileek grebarekin jarraitzea erabaki zuten. Bilera hartan, Mankomunitateak gatazkan behin-behineko kontu-hartzaile baten bidez esku hartuko zuela esan bazuen ere, kontu-hartzaile hori oraindik ez da izendatu eta langileek ez dute zor zaien soldata jaso.