ELAk aurreakordioa sinatu du hitzarmen berri baterako

ELAk, sektorean gehiengo osoa izanik, aurreakordio bat sinatu du Cecobirekin, mahaiko beste ordezkariekin batera, 5.000 bat langile dituen Bizkaiko merkataritza orokorreko hitzarmenaren baldintzak arautzeko. Hitzarmenak, besteak beste, honako hobekuntza hauek aurreikusten ditu: % 18ko soldata igoera hitzarmena indarrean dagoen bitartean, KPIen bilakaeraren arabera berrikusteko aukerarekin; 900 euroko atzerapenengatik konpentsazio ordainsaria; lanaldia 12 ordutan murriztea; eta aplikazio ezaren aurkako blindaje klausula. Era berean, ultraktibitatearen muga kendu eta mugagabea izango da.

Gogoratu behar da merkataritzako langileek urteak eman dituztela hobekuntzak aldarrikatzen eta horretarako 14 greba egun egin dituzte azken urteotan. Merkataritza, oro har, Bizkaiko merkataritzako azpisektore guztien lan baldintza okerrenak dituen sektorea da. Lehen aldia da ELAk sektorean gehiengo osoa duela, eta azken hitzarmena ez zuen sinatu, eduki urriak zituelako. Aurreakordio berri hori sindikatuko langileen eta ordezkarien borrokari esker lortu da.

Aurrerapenak lortu diren arren, ELAk uste du oraindik hobekuntzak egin behar direla sektorearen erosteko ahalmenaren galera eragozteko. Oso sektore heterogeneoa da, eta arropa denden hitzarmena sinatu ondoren indar korrelazio handiagoa lortzea zailtzen duen ordezkaritza sindikal eskasa du sektoreak. Gainera, estatalizazioarekin baldintzak are gehiago okertzeko arriskua ere badago. Hori dela eta, ELAk aurreakordioa sinatzea erabaki du, baina oso argi izanda helburua hobekuntza handiagoak lortzea izan behar duela, sektorea duinduko duten soldata eta baldintza hobeak bermatzeko, sindikatu honek planteatutako helburu guztiak lortzeko.