ELAk Douglasen aurkako demanda aurkeztu du greba eskubidea urratzeagatik
2022/04/19
ELAk Douglasen aurkako demanda aurkeztu du, greba eskubidea urratzeagatik eta langileak ordezkatzeagatik. Martxoaren 14tik ari dira langileak greban Alemaniako multinazionalak planteatutako Enplegu-Erregulazioko Espedientea geldiarazteko. Neurri hori aplikatuko balitz, enpresak Bizkaian dituen 19 dendetatik 11 itxiko lituzkete. Guztira, 132 langile kaleratuko lituzkete, gehienak emakumeak.
Era berean, gaur, apirilaren 19an, egin den bileran -Enplegu-Erregulazioko Espedientearen kontsultarako azken astean- ELAk enplegua eta lan baldintzak mantentzea defendatu du. Era berean, gainerako sindikatuei -CCOO, UGT, USO- exijitu die ez dezatela babestu kaleratze kolektiboa, ezta kaleratze traumatikorik eta lan baldintzen murrizketarik ere.