ELAk greba deitu du maiatzaren 26rako EAEko eskola-jantokietan enpleguaren alde

2021/05/19
ELAk EAEko ikastetxe publikoetako, pribatuetako eta itunpeko ikastetxeetako jantokietako langileak deitu dei egin die maiatzaren 26rako enpleguaren eta lan-baldintzen alde deitutako grebarekin bat egiteko. 20201-2021 ikasturtearen hasieran Eusko Jaurlaritzak kolektibo desberdinekin – Guraso-elkarteak, ikastetxeetako zuzendaritzak eta sindikatuak – protokolo eta neurri sorta adosteari uko egin dionez, jantokietako 17.000 erabiltzaile galdu dira, aldi baterako 1.000 lanpostu suntsitu dira eta COVID-19 errefortzu-kontratu berri deiturikoei esleitutako aldizkako 1.000 lanpostu finkorako baldintzak aldatu dira. Gauzak horrela, sindikatuak ikastetxe publikoen egungo ratioak berrikusteko eskatu du, bai eta ikastetxe itundu eta pribatuentzat ratio berdina nahitaez aplikatzea ere, familia guztiei eskaintza egingo zaiela eta sektore horretako enplegua eta lan-baldintzak berreskuratu eta mantenduko direla bermatzeko.

ELAk azpimarratu duenez, eskaintza familia guztiei bermatzen ez zaien bitartean, bigarren hezkuntzako tarteak barne, eta ikastetxe publikoetako egungo ratioa berrikusten ez den bitartean, ezingo dira 17.000 erabiltzaile berreskuratu, eta, horrekin batera, lanpostu guztien errekuperazioa eta baldintzak. Itunpeko ikastetxeei eta ikastetxe pribatuei dagokienez, ikastetxe publikoetan dagoen ratio bera ez izateak areagotu egiten du kontratazioaren eta baldintzen egoera, eta eragin zuzena du lan-kargetan eta zerbitzuen segurtasun- eta kalitate-gabezian.
Era berean, salatu dute ikasturtea amaitzeko hilabete gutxi falta direnean oraindik ez dakitela 2021/2022 ikasturteari begira Hezkuntzaren aurreikuspena zein den, eta beren asmoa inposatzea eta ez negoziatzea izango den.