H&M (BALLONTI)
Greba egun arrakastatsuak
Urriaren 4 eta 5ean H&Mko langileek greba egunak egin zituzten Portugaleteko Ballonti merkataritza-guneko dendaren itxieraren aurka. Gero eta langile gehiagok egiten dituzte grebak kaltetutako lankideei laguntzeko.
Konpainiak estatu mailan EEE (kaleratze kolektiboa) bat egitea erabaki du; bertan 32 denda ixtea eta 521 langile kaleratzea proposatu du. Espedienteak Hego Euskal Herrian 29 langile dituen Ballontiko Merkataritza Zentroko dendari eragiten dio.
Beste behin ere, kaleratze kolektiboek eragindako sektore feminizatu baten aurrean gaude, emakume langileen baldintzak prekarizatuz. Enpresak itxiera justifikatzen du ekoizpen- eta antolaketa-arrazoiengatik. ELAren iritziz, enpresak alegatutako arrazoiak ez dira nahikoak eta ez datoz bat errealitatearekin.