Greba mugagabea DIA Supermerkatuetan

2019/03/14
ELAk jakinarazi du mobilizazioak egingo direla hilaren 20an Madrilen, DIAko akziodunen batzarra egingo den tokian, hain zuzen ere. Otsailaren 8an DIA Supermerkatuen taldeak Enplegu Erregulazio Espedientearen prozedurari ekin zion. Honen aurrean, ELAk eta LABek Gipuzkoa eta Bizkaia ordezkaritzaren gehiengoa izanik, greba deitu dute otsailaren martxoaren 11tik aurrera enpleguaren eta lan-baldintzen alde.

Negoziazio mahaiak gutxienez hiru bilera egin ditu Madrilen, eta Bizkaiko eta Gipuzkoako langileok ez dugu ezer jakin. Haietara joateko eta EEEaren arrazoiak aztertzeko egin ditugun eskariei ezezkoa eman diete. FETICO, CCOO eta UGT sindikatuek mahaian parte hartzea ukatu digute, baita prozesuari buruzko oinarrizko informazioa jasotzea ere.

Beraz, FETICO, CCOO eta UGTren jarrera antisindikala salatu nahi dugu, ordezkatzen ez dituzten langileen lanpostuekin salerosketetan ari baitira, jokabide erabat pasiboa erakutsiz. Izan ere, proposatu diren 2000 kaleratzeen aurrean ez dute presiorik eragin, ezta mobilizaziorik antolatu ere.

Prozesuaren legezkotasunik eza ere salatu nahi dugu. Negoziazio-mahaia iruzurrez eraturik dago. Atal sindikal gisa edo ELA, LAB, CIG eta OSTA batera bileretara joatea ukatzea zapalkuntza demokratiko da. Hori dela eta demanda bat jarriko dugu, eta prozesu osoa segurtasun juridikorik gabe utziko dugu.