Mobilizazioa Bilbon, hitzarmenik gabe 6 urte daramatzatela salatzeko

2026/06/04

Bizkaiko Metalaren Merkataritzako langileak gaur Bilboko kaleetara atera dira negoziazio kolektiboaren blokeoari amaiera emateko eta hitzarmen duin bat sinatzea eskatzeko. Duela sei urte baino gehiago darama indargabetuta hitzarmena.

Mobilizazioak sektoreko hainbat establezimendu zeharkatu ditu, besteak beste bitxi-dendak, bisuteria-dendak, optikak eta telefono mugikorren saltokiak. Protesta honen bidez, langileek sektoreak bizi duen prekarietate eta ziurgabetasun egoera salatu dute, eta CECOBI patronalaren aldetik erantzun arduratsua eskatu dute.

Langileek soldata igoerak eskatzen dituzte, galdutako erosteko ahalmena berreskuratzeko, urteko lanaldia murrizteko eta hitzarmenean jasotako eskubide guztiei eusteko. Halaber, osagarrien murrizketak planteatzen dituzten enpresarien proposamenak ere baztertu dituzte, hala nola, aldi baterako ezintasunarenak eta antzinatasunarenak.

Gaurko mobilizazioa langileek bultzatutako presio-dinamikaren parte da, langileen benetako beharrei erantzungo dien akordio bat lortzeko sector.Las, eta langileek ohartarazi dute mobilizazioekin jarraituko dutela patronalak akordio egoki bat lortzeko proposamenik aurkezten ez duen bitartean