Asanbladak negoziazio propioaren alde egin du, botoen %87arekin

2026/10/05

Plantillaren gehiengoak hartutako erabakiaren ondoren, ELAk Basauriko lantegia Akordio Markotik ateratzea proposatuko hurrengo bileran. Erabakiak Basauriko langileek hartutako jarrera eta lantegian negoziazioa zuzenean garatzeko aukera jasotzen ditu.

Sidenorreko Basauriko lantegian 2021-2026 aldirako aplikatu den Akordio Markoaren inguruan, langileen erosteko ahalmenaren bilakaerari eta lantegiaren negoziazio-esparruari buruzko eztabaida zabaldu da. ELAren arabera, Akordio Markoaren aplikazioak langileen erosteko ahalmena nabarmen murriztu du. Aldi berean, sindikatuak adierazi du Sidenor Aceros Especiales enpresak ia 128 milioi euroko irabaziak izan dituela 2022 eta 2025 artean.

Azken hilabeteetan, ELAk, LABek eta ESK-k lantegiko langileen batzarra egiteko aukera bultzatu dute. Aste honetan, Basauriko Komiteko gainerako sindikatuek batzarra eta bozketa egitea adostu dute, Akordio Markoan jarraitzea edo negoziazioa lantegira eramatea erabakitzeko.

Bozketa urriaren 2an egin zen, hainbat txandatan, eta aurretik langileen batzarra egin zen. ELAk salatu du enpresaren zuzendaritzak ez zuela langileen errolda eman, eta horrek prozesua zaildu zuela.

Bozketaren emaitzaren arabera, plantillak erabaki du Basauriko lantegiaren negoziazioa Akordio Markotik bereiztea eta lantegiko hitzarmenaren inguruko negoziazio propio bati ekitea.

Hitzarmen propioaren alde: 337 (%87,53)

Esparru akordioan jarraitzearen alde: 32 (%8,31)

Zuriak: 14 (%3,64)

Baliogabeak: 2 (%0,52)