Bizkaiko etxez-etxeko langileek mobilizazioak hasi dituzte gaur arratsaldean
2016/05/25
Zenbait bilera eta batzar egin ostean, Bizkaiko Etxez Etxeko Laguntzaren sektoreko ELAko jarraitzaileek mobilizazioak egiten hastea erabaki dute, sektoreak Bizkaian duen egoera larria dela-eta. Mobilizazioak Bizkaia osora zabalduko dira. Protesten bidez sektorearen egoera larria salatu nahi dute Bizkaiko 1.800 langileek.
Izan ere, sektorearen hitzarmenaren negoziazioa blokeatzea; enpresa azpikontratatuek, udalek eta aldundiek zerbitzu-aldiko ordu-kopurua murriztea; lanaldi partzialeko kontratazioa ugaltzea, eta enplegua suntsitzea behin eta berriz gertatzen diren berriak dira sektore horretan.
Aipaturiko neurriak adostasunez hartu dituzte udalek edo mankomunitateek enpresa azpikontratatuekin; eta neurri horien ondorioz lan-prekarietatea areagotu da, eta gainera kinka larrian jarri da zerbitzuaren oraingo eredua, erabiltzaileek gero eta mugatuago ikusten baitute etxez etxeko langileek eman diezaieketen ezinbesteko laguntza.