TUBOS REUNIDOS

ELAk Enplegu-Erregulazioko Espedientea berehala kentzea eskatu du

2026/02/09
ELAk Enplegu-Erregulazioko Espedientea berehala kentzea eskatu du
Enplegu-Erregulazioko Espedientearen kontsulta aldiko lehen bileran, enpresak 301 lanpostu suntsitzea planteatu du, 274 Amurrion eta 27 Trapagan. ELAk lanpostuen suntsiketa errefusatu du eta greba mugagabera jotzea proposatu du.

Tubos Reunidos enpresak nahitaezko dokumentazioa aurkeztu du Enplegu-Erregulazioko Espedientearen kontsultaldian. Egindako bileran, konpainiak bere asmoa justifikatu nahi izan du bideragarritasun plan bat azalduz. Lehen azterketa batean ondorioztatu daiteke bideragarritasun plan horren oinarrian dagoela 301 lanpostu suntsitzea, 274 Amurrion eta 27 Trapagan. ELAren ustez onartezina da hori.

ELAk adierazi du enpresak alegatu nahi dituen arrazoiei buruzko dokumentazioa zorrotz aztertuko duela, Enplegu-Erregulazioko Espedientearen negoziazio batzordeko 13 kidetatik 5 kiderekin. Hurrengo bilera otsailaren 17an izango da.

Urtarrilaren 9ak balio izan du Amurrioko zentroko Tubos Reunidoseko langileek deitutako grebarekin bat egin dezaten. Otsailaren 13an beste greba egun bat dago deituta, Eusko Jaurlaritzako Industriako arduradunekin izandako bilera aprobetxatuz.