ELAk greba mugagabea deitu du apirilaren 27tik, soldata baxuen eta negoziazio faltaren aurrean

ELAk greba mugagabea deitu du apirilaren 27tik aurrera Ugaoko eraikin publikoen garbiketa zerbitzuan. Erabakia etorri da ISS enpresak negoziatzeari uko egin ondoren eta Ugaoko Udalak, zerbitzuaren arduraduna izanik, gatazka konpontzeko neurri eraginkorrik hartu ez izanaren ondoren.

Zazpi langile ari dira zerbitzua eskaintzen (bost finko eta bi aldi baterako), guzti-guztiak Ugaoko Udalak azpikontratatuta. Langile hauei Garbiketako Hitzarmenen probintziala aplikatzen zaie, ELAk azaldu duenez, baldintza prekarioak ezartzen dituena.

Urte hasieran, langileek proposamenak aurkeztu zizkieten bai enpresari bai Udalari. ISSk hasieratik uko egin dio negoziatzeari. Udalak, berriz, bilerak egin arren, ez du enpresa presionatu ezta zerbitzu publikoko baldintza duinak bermatzeko beharrezko urratsik eman ere.

Egun, langileek 1.200 eta 1.250 euro arteko soldatak jasotzen dituzte. Besteak beste, honako hauek aldarrikatzen ditu ELAk: soldata 1.500 eurora igotzea, lanpostu hutsen estaldura bermatzea, ordezkari propioa izatea, informazio eta parte-hartze eskubideak hobetzea eta lan erreformaren aurrean bermeak ezartzea.

Langileek adierazi dute grebari eutsiko diotela irmotasunez, enpresak eta Udalak jarrera aldatu eta negoziazioari ekiten dioten arte.