Delegatuen batzarrak adostu du gainerako sindikatuekin harremanak hastea hitzarmenaren negoziazioetan

ELAko delegatuen batzarrak erabaki du Bizkaiko metalaren hitzarmenaren negoziazioa desblokeatzeko urrats bat gehiago ematea. Gainerako sindikatu erakundeekin harremanak hasiko ditu eta sektorean mobilizazioak aktibatuko ditu, greba deialdia baztertu gabe.

Gaur egin du ELAk (negoziazio-mahaian %40,66ko ordezkaritza duena) sektoreko batzarra. Negoziazioan aurrerapausorik ez dagoenez, patronalak blokeatuta, fase berri bat irekitzea adostu da.

ELAk salatu du blokeoa patronalaren negoziatzeko borondate faltaren ondorio dela. Adierazi du aurreko prozesuetan aldaketak presio sindikala egon denean bakarrik lortu direla, mobilizazio eta greba egunak tarteko.

Horregatik, batzarrak mobilizazioa aktibatzea erabaki du, aurrerapausoak behartzeko tresna gisa. Gainera, ELAk beste sindikatuekin harremanetan jarriko da proposamen bateratu bat osatzen saiatzeko eta balizko ekintza bateratuak aztertzeko.

ELAk ez du baztertzen greba deitzea patronalak egungo jarrerari eusten badio; unea gakoa baita negoziazioa berraktibatzeko eta hitzarmenean benetako hobekuntzak lortzeko.