ELAk Zumaian hildakoa eragin duen lan istripua salatu du

Aurten dagoeneko 28 langile hil dira Hego Euskal Herrian lan istripu baten ondorioz. ELAk istripuaren arrazoiak eta egon daitezkeen erantzukizunak erabat argitzea eskatzen du. Krisia aitzakitzat hartuta lan osasuna eta segurtasuna bigarren maila batetan geratzen ari dira eta enpresa askok ez dituzte arlo honetan dituzten egin beharrekoak betetzen.

ELAk bere dolumina adierazi nahi dio hildako gaztearen familia eta lagunei. Era berean, bat egiten du enpresa komiteak deitutako 24 ordutako lanuztearekin eta bihar lantokiaren aurrean goizeko 11etan egingo den elkarretaratzearekin.