Guraso bakarreko familiek lanaldia egokitzeko duten eskubidea onartu du epaitegi batek

Epaitegiak arrazoia eman dio ELAri, eta aitortu du Gasteizko Correoseko langile batek lanaldia egokitzeko eskubidea duela bere bi semeak zaintzeko, horietako batek 12 urte baino gehiago izan arren.

Bi semeekin guraso bakarreko familia osatzen duen emakumeak arratsaldeko txandan lan egiten zuen, eta goizeko txandara aldatzeko eskatu zuen, semeak zaintzeko. Enpresak ukatu egin zuen eskaera, bere semeetako batek 12 urte baino gehiago zituela eta goizeko txandan plaza librerik ez zegoela argudiatuta.

Epaiak enpresaren argudioak ezetsi ditu, eta ezin da errekurtsorik aurkeztu. Epaitegiak ezartzen du ez dela garrantzitsua semeetako batek 12 urte baino gehiago izatea, anaia adingabea duelako, eta egiturazko lanpostu huts ugari daudelako, eta plaza horiei ama eslei dakiokeelako.

Epai horrek langilea txandaz aldatzera behartzen du Correos, eta aurrekari bat ezartzen du guraso bakarreko familien kontziliaziorako, beste enpresa batzuetan aplika daitekeena.