CEBEK patronalak ez ditu soldatak eguneratu nahi

CEBEKek puntuz puntu erantzun dio sindikatuen plataformari, eta azpisektoreen araberako bereizketa eskatu du, eta proposamen ekonomikoaren aurka egin du aurrez aurre: KPIaren araberako soldata igoerak eta 2013az geroztiko atzerapenen ordainketa errefusatu ditu.

Era berean, soldaten edozein igoera konpentsatzeko eta xurgatzeko asmoa adierazi du, antzinatasunaren kontzeptuan aldaketak erreklamatzeaz gain. Antolaketari dagokionez, patronalak ez du lanaldia 54 ordutan murriztu eta oporrak 28 egunera luzatu, eta bajen osagarria % 100ean kentzearen alde egin du. Gainera, uko egiten dio telelanagatik 150 euroko konpentsazioa emateari eta indarrean dagoen araudia gainditzen duen edozein baimen luzatzeari.

Soldatak 13 urtez blokeatu eta izoztu ondoren, CEBEK patronalak uko egiten dio soldatak bizitzaren kostuaren arabera eguneratzeari eta erosahalmena bermatzeari, eta, horrez gain, lehendik dauden eskubideak kendu nahi ditu. Antzinatasuna desegin nahi du, azpisektoretan banatu hitzarmen probintziala ahultzeko eta xurgapenari bide emateko eta igoerak inoiz ez gauzatzeko.