BIZKAIKO METALAREN MERKATARITZA

Hitzarmenaren blokeoaren eta patronalak planteatutako murrizketen aurkako greba

2026/10/07
Hitzarmenaren blokeoaren eta patronalak planteatutako murrizketen aurkako greba
ELAk, CCOOk, UGTk eta LABek hitzarmenaren negoziazioaren blokeoa salatu dute, eta soldata hobekuntzak eta lan eskubideen mantentzea eskatu dute.

Jarraipen zabala izan du ELAk, CCOOk, UGTk eta LABek Bizkaiko Metal Merkataritzan deitutako grebak, hitzarmen kolektiboaren negoziazioaren blokeoaren aurrean. Sindikatuek salatu dutenez, sektoreak urteak daramatza hitzarmena eguneratu gabe, eta egoera horrek langileen erosteko ahalmenaren galera eragiten du.

Azaldu dutenez, sektoreko soldata batzuek ez dute urtean 18.000 eurora ere iristen. Halaber, CECOBI patronalaren proposamenak kritikatu dituzte, besteak beste, gaixotasunagatiko bajen osagarriak eta antzinatasuneko osagarriak murriztea planteatzen duelako.

Aldarrikapen nagusien artean daude erosteko ahalmena berreskuratzea eta bermatzea, KPIari lotutako soldata igoerak ezartzea, lortutako lan eskubideak mantentzea eta atzerakoitzat jotzen dituzten proposamenak kentzea.