Vito Quilesen bisitaren aurka mobilizatzera deitu dute

2026/10/23 Bilbo

Hainbat eragile sozial, gazte mugimendu eta sindikatuk manifestazioa deitu dute urriaren 26rako, Bilboko Deustu auzoan, Vito Quilesen bisitarekin bat eginez. Mobilizazioa 16:00etan abiatuko da, eta eskuin muturreko diskurtsoen eta jarrera erreakzionarioen gorakadaren aurkako gaitzespena adieraztea du helburu.

Deialdia egin duten kolektiboek herritarrei manifestazioan parte hartzeko eskatu diete, eskubide sozialak mehatxatzen dituzten, gatazka elikatzen duten eta gizarteko sektore zaurgarrienak eta prekarizatuenak estigmatizatzen dituzten diskurtsoei aurre egiteko.

Eskuin muturraren gorakada eta diskurtso erreakzionarioen areagotzearen aurrean, ELAk mobilizatzeko deia egin du, jarrera horien normalizazioari aurre egiteko.