Langileek Tuteran egin dute elkarretaratzea

Greban dauden langileek gaur Tuterako Foruen plazan elkarretaratzea egin dute, Uvesa enpresaren jarrera salatzeko, Tuteran negoziazio mahaian elkarrizketak jarraitzeari uko egiten diolako.

Uvesak oraindik ez die erantzun gehiengo sindikalak aurkeztutako aldarrikapenei, eta ez du bilera bat zehaztu Tuterako plantan hitzarmen bat negoziatzen saiatzeko; horrela, mantendu egiten ditu ordu bateko lanuzteak txanda bakoitzeko eta geroago egindako 6 greba-egunak, gaur amaitzen direnak.

ELA eta CCOOko batzordeko ordezkariek, batzordean gehiengoa dutenek, kritikatu egin dute UGTren jarrera ere; atzo mobilizazioetatik aldendu zen, deitzaileetako bat izan arren, helburu bakar bat ere lortu gabe eta oraindik greba-egun bat geratuta, beraiek ere deitu zutenetako bat.

UGTk enpresaren zerbitzura jartzen du bere burua, batzordea zatituz, orain arte bateratuta zegoena, eta Tuterako plantako langileen aurka jartzen da; langile horiek beren aldarrikapen propioak dituzte, eta ez dute gainerako plantetako akordio bat negoziatzeko aukerarik, non ez dago ez aldarrikapenik ezta gatazkarik ere. Horrela, enpresari aukera ematen diote giro askoz ere atseginagoan negoziatzeko. UGT oker dabil, eta Tuterako langileek etorkizunean hori ikusaraziko diote.

ELA eta CCOOk adierazi dute azken deialdiaren jarraipen masiboa eta UGTk hartu duen jarrera ikusita, hurrengo urratsak baloratuko dituztela, eta enpresari aukera ematen diote behingoz gatazkari heldu eta aldarrikapenak jasotzeko, bestela berriro greba-deialdien aurrean ikusiko baita bere burua.

ELA eta CCOOk Zuzendaritzari ohartarazi diote ez dutela gatazka itxitzat emango, harik eta beren aldarrikapenak jasotzen ez diren arte eta Tuterako langileen lan-baldintzak nabarmen hobetzeko borondate argi eta zalantzarik gabekoa erakusten ez den arte.