mercedez benz gasteiz
Batzordeak uko egin dio enpresaren "aurpegi garbiketari": 100 kontratu finko, baina 1.500 prekario
2026/09/15 Industria eta Eraikuntza Gasteiz
Mercedes-Benzeko enpresa batzordeak, sindikatu guztien aho bateko babesarekin, uko egin dio enpresak 100 ETT-langileren kontratuak mugagabe bihurtzeko antolatutako ekitaldian parte hartzeari. Batzordeak ontzat jo du ehun langile horiek lan-egoera egonkorragoa izatea, baina gogor kritikatu du, aldi berean, ekoizpen-plantillaren heren bat baino gehiago (1.600 langile baino gehiago) aldi baterako laneko enpresen bidez kontratatuta egotea.
Halaber, kontratu mugagabeak esleitzeko irizpide objektibo eta gardenik ez egotea eta zenbait sindikatuk, batzordearen esanetan, behin-behineko langileak afiliatzera bultzatzeko presio- edo xantaia-praktikak erabiltzea salatu du. Enpresa-batzordearen arabera, kontratazio egonkorra sustatzeaz gain, langile guztiek aukera berdintasuna izan beharko lukete irizpide justu, objektibo, parekide eta gardenen arabera.