Akordioa lortu du ELAk 16 greba jardunaldien ondoren

Langileek sei hilabete baino gehiago zeramatzaten sektoreko gainerako ABEEekin alderatuta lan baldintza desberdinekin. Diskriminazio egoerarekin amaitzeko, greba mugagabea hasi zuten abenduaren 1ean. MATINSAk eta SERKOMek osatzen duten Donostialdea aldi baterako enpresa-elkarteak urteak daramatza errepideak mantentzeko zerbitzua ematen, Gipuzkoako beste kontserbazio batzuetan zeudenak baino lan-baldintza prekarioagoetan eta bidegabeagoetan.

Lortutako akordioak aurrerapen esanguratsuak jasotzen ditu, besteak beste, urteko lanaldia 92 ordu baino gehiago murriztea bi urteko epean (1.684 ordutik 1.592 ordura igaroko da 2027an), lana eta bizitza uztartzea errazago egingo duen lan-egutegia, txanda-kontratua ezartzea eta soldatak Gipuzkoako errepideen mantentze lanak egiten dituzten gainerako enpresekin parekatzea.

ELAk gogorazi du Gipuzkoako Foru Aldundiaren mendeko errepideen mantentze lanetako enpresa guztiek dituztela ELAk soilik negoziatutako lan-baldintzak. Lan baldintzen hobetzeak eragin zuzena du zerbitzuaren kalitatean eta herritar guztien segurtasunean.

ELAren arabera, gatazka honetan langileek erakutsitako batasunari esker lortu da akordioa. Gatazka honek urrats garrantzitsuak eman ditu errepideak mantentzeko zerbitzu bidezkoagoa, kalitate handiagokoa eta seguruagoa lortzeko bidean.