Produkzioa geldiarazi dute hiru greba egunetan

Ortuellako lantokiko langileek, kualifikazio handikoak eta taldearen garapen teknologikorako ezinbestekoak direnek, beren lan-baldintzak hobetzeko borrokan jarraitzen dute, etengabe hazten eta irabaziak pilatzen ari den enpresa batean.

Ingeteam Converters enpresa barne hartzen duen enpresa-taldeak 27,7 milioi euroko irabaziak izan ditu azken urtean, eta azken hiru urteetan metatutako irabaziak 163,4 milioi eurokoak izan dira. Gainera, azken hiruhilekoan 42,5 milioi euro banatu dira dibidenduetan.

Ingeteam Converters Ortuellan kokatutako enpresa da, duela 7 urte sortua, itsas sektorerako, industriarako eta trakziorako maiztasun-bihurgailuak fabrikatzeko eta probatzeko. Langileek ELA sindikatuaren bidez antolatzea erabaki zuten, eta gaur egun Enpresa Batzordea ELAko 11 ordezkarik eta LABeko 2 ordezkarik osatzen dute.

12 hilabete baino gehiagoko negoziazioen eta 20 bilera baino gehiagoren ostean, benetako aurrerapausorik lortu gabe, langileek mobilizazioei eustea eta horiek areagotzea erabaki dute, enpresak bere jarrerari eusten badio. Emaitza ekonomiko horiek dituen enpresa batean, langileek borrokan jarraituko dute beren aldarrikapenak hitzarmenean jasotzea lortu arte.