BENITO MENNI (ELIZONDO)

ELAk Hermanas Hospitalarias enpresaren hipokrisia salatu du 337 greba egun betetzen dituzten egunean

2026/10/21
ELAk Hermanas Hospitalarias enpresaren hipokrisia salatu du 337 greba egun betetzen dituzten egunean
Langileek «Emakumeen ahalduntzea Osasun Mentalean» izeneko jardunaldiaren sarreran elkarretaratzea egin dute. Zentroa kudeatzen duen Hermanas Hospitalarias enpresak antolatu du jardunaldia, eta langileek enpresak berak ezartzen dien prekaritatea salatu zuten.

Elizondoko Benito Menni osasun mentaleko zentroko langileak, 2024ko abendutik greban daudenak, Hermanas Hospitalariasek eta Fundación Hospitalariasek «Emakumeen ahalduntzea Osasun Mentalean» izenburupean antolatutako jardunaldiaren sarreran elkarretaratzea egin dute. ELAk enpresaren hipokrisia salatu du, emakumeen ahalduntzeari buruz hitz egiten duen bitartean, lan baldintza prekarioak ezartzen dituelako.
337 greba egun pilatu dituen plantillak urteko gutxieneko 22.400 euro gordineko soldata bermatuko duen hitzarmena, lanaldia murriztea eta lan baldintza egokiak eskatzen ditu, arreta duina eskaintzea ahalbidetuko duten lan kargak eta ratioak bermatzeko. ELAk gogorarazi du zerbitzu publiko itundua dela, funts publikoekin finantzatua. Hortaz, Nafarroako Gobernuaren erantzukizuna zuzena da.