ELAk Iruñeko polizia-makrooperazioa salatu du eta atxilotuen askatasuna eskatu du

ELAk salatu duenez, azken orduetan 28 lagunen atxiloketak (eta azken hilabeteetan egindakoak gehitu behar zaizkie), gazte antifaxisten kriminalizazio-kanpaina batean kokatzen da. Aldi berean, agintariek onartzen dute zigorrik gabe jarraitzea joan den urriaren 30eko jarduerak, istiluen iturburua hain zuzen ere: Vito Quiles Iruñean agertu zen elkarbizitza gaiztotzeko eta gorroto mezuak zabaltzeko, baita gezurrak ere, hala nola gazteen artean armak edukitzea. Poliziak  gezurtatu zuen hori, baina ez zuen kalumnia horien aurka egin.

ELAk atxilotutako guztien askatasuna eskatu du, baita haien errugabetasun-presuntzioa eta herritarren eskubide guztiak errespetatzea ere. Gainera, ELAk konpromiso bat eskatu die Nafarroako erakundeei atxilotutakoen eskubideak zaindu ditzaten eta beren protokolo guztiak aktibatu ditzaten argi eta garbi faxistak diren ekimenen aurka, hala nola joan den urriaren 30ean Iruñean egindakoa.