Maiatzean sinatu diren kontratuen %92,4 behin-behinekoak izan dira

2019/06/04
Maiatzean sinatu diren kontratuen %92,4 behin-behinekoak izan dira
Enplegu zerbitzu publikoak argitaratutako apirileko datuek aditzera eman dutenez, Hego Euskal Herrian 145.136 pertsona daude langabezian, horietako %58 emakumeak izan dira (aurreko hilabetean baino lau dezima gehiago), hau da, 84.145. Bilakaerak erakusten duenez, azken hilabetean 3.089 pertsona gutxiago daude langabezian, 11.001 azken urtean.

Maiatzeko datuek azken hilabeteetako joera berdina izan dute. Hau da, prekarietateak lan munduaren errealitatea izaten jarraitzen du, ikusi besterik ez dago maiatzean sinatu diren kontratuen %92,45 behin-behinekoak izan direla, azken hilabeteetako zifrarik altuena. Gainera, pasa den urtean baino 1.529 kontratu finko gutxiago sinatu dira.

Langabezian inskribatuta egon direnen %57,01ek ez du inolako langabezia prestaziorik jaso apirilean (82.747). Lau langabetik batek (25,3%) bakarrik jaso du kotizaziopeko langabezia saria (36.667 pertsona). Kotizaziopeko langabezia sariaren bataz besteko zenbatekoa, aurreko hilabeteetan bezalakoa izan da: 875,9 euro EAEn eta 900,7 euro Nafarroan.

Langabezia tasak europako bataz bestekoa baino askoz altuagoa izaten jarraitzen du, 145.136 langabetu daude Hego Euskal Herrian, eta langabezia tasa %10,8koa da, 28-EBekoa baino 4,2 puntu altuagoa (%6,6koa da).