Lau greba egun deitu dituzte

Alestis Aerospace enpresan azken bi asteetan egindako lau orduko lanuzteen ondoren, eta enpresaren immobilismoa ikusita, enpresa batzordeak lau greba egun deitu ditu ekainaren 16, 18, 23 eta 25erako, hitzarmen kolektiboaren negoziazioan benetako aurrerapenak eskatzeko.

Alestiseko hitzarmenaren negoziazioak geldirik jarraitzen du. Enpresa Miñaoko Parke Teknologikoan dago (Araba), eta Airbus eta Boeingerako osagai aeronautikoak fabrikatzen ditu. Enpresa-batzordeak UGTko 2 ordezkarik, ELAko 2k, CGTko 2k eta LABeko 2k osatzen dute, eta Aciturri Aerostructures taldeari (enpresaren % 49ren jabea) eta Sonacari ( % 51ren jabea) egotzi die negoziazioa desblokeatzeko borondaterik eza.

Sindikatuek salatu dute enpresak oraindik ez diela erantzuten negoziazio mahaian planteatutako aldarrikapenei, eta negoziazioa blokeatzen ari dela produkzioa eta lan karga handitzen diren bitartean.

Enpresak borondaterik erakutsi gabe eta planteatutako aldarrikapenei erantzunik eman gabe jarraitzen badu, ez da baztertzen mobilizazioak luzatzea datozen asteetan.