XX. EKONOMIA KRITIKO JARDUNALDIAK

ELAk sei ponentzia aurkeztuko ditu Bilboko jardunaldietan

2026/06/10
ELAk sei ponentzia aurkeztuko ditu Bilboko jardunaldietan
ELA Ekonomia Kritikoko Jardunaldietan parte hartzen ari da, EHUko Ekonomia eta Enpresa fakultatean, Bilbon. Espazio hau gaur egungo erronka ekonomiko, sozial eta ekologikoei buruzko hausnarketa eta eztabaida akademikorako gune nagusietako bat da. Sindikatua topaketa osoan egongo da, eta parte-hartze nabarmena izango du bai ikertzaile hasiberriei zuzendutako saioetan, bai jardunaldien programa nagusian.

Sindikatuarentzat, ezagutza ikuspegi kritiko batetik eta langile-klasearen zerbitzura partekatzeko espazio mota hau funtsezkoa da. Gainera, jardunaldi hauek esparru akademikoaren eta gizarte-mugimenduen arteko harremanak indartzen laguntzen dute. Politika publikoak eta estrategia ekonomikoak baldintzatzen jarraitzen duten errezeta neoliberalen aurrean, ELAk ezinbestekotzat jotzen du justizia soziala, aberastasunaren birbanaketa, iraunkortasun ekologikoa eta ekonomiaren demokratizazioa erdigunean jarriko dituzten azterketa zorrotzak bultzatzea.

Ikertzaile berrientzako jardunaldietan parte hartzeaz gain, ELAk sindikatuak garatutako lan- eta ikerketa-eremuei lotutako sei ponentzia aurkeztuko ditu. Ekarpen horiek industria-politika edo soldaten bilakaera bezalako gai estrategikoak jorratuko dituzte, baita azken urteotan Sindikatuan garatu diren hainbat gatazka sindikalen azterketa ere.

ELAk bereziki baloratzen ditu Ekonomia Kritikoari buruzko Jardunaldien moduko guneak egotea, azterketak aurrez aurre jartzea, esperientziak partekatzea eta desberdintasuna, prekarietatea eta ingurumen-kalteak eragiten dituen eredu ekonomiko baten alternatibak eraikitzea ahalbidetzen dutenak. Industria-krisiak, larrialdi klimatikoak eta bizi-baldintzen garestitzeak markatutako testuinguru batean, inoiz baino beharrezkoagoa da langileak eta ongizate kolektiboa erdigunean jarriko dituzten alternatiba ekonomikoak eraikitzea.