NUPeko garbikuntzako langileek zerbitzua esleitzeko baldintzak legez kanpoko direla salatzen dute

2018/11/13
NUPeko garbikuntzako langileek zerbitzua esleitzeko baldintzak legez kanpoko direla salatzen dute
ELAk salatzen du NUPeko zuzendaritzak legez kanpoko baldintza-plegu bat egin izan duela, Nafarroako Kontratu Publikoen Legea bete gabe (hala erabaki du Nafarroako Administrazio Auzitegiak). Horregatik, zerbitzua eskaintzen duen enpresaren langileek (Limpiezas Maju, 13 ordezkarietatik, 7 dira ELAkoak) mobilizazioak abiatu dituzte. ELAk eta LABek azaroaren 14an, asteazkenean, kalejira zaratatsua antolatu dute (goizeko 8etan, NUPeko ikasgela-eraikinetik)

Eguneroko ahalegin handi horren gibelean langile batzuk daude, garbitzaileok; eta "aski da" erratea erabaki dugu. Ez dugu Garbikuntza Plegu hori onartuko, lehentasuna diru-kontuei, eta ez pertsonei ematen baitzaie.

UPNAko Zuzendaritzari eskatzen diogu gure plegua Kontratu Publikoen Lege berriaren araberakoa izatea. Gainera, gure pleguak diru-horniketa nahikoa izan behar du, lan-baldintza duinak izateko adinakoa.

Gauzak horrela, bihar asteazkenean, azaroak 14, goizeko 8tan, NUPeko langileen lan-baldintzak kaxkarrak salatzeko eta legea betetzen duen plegua eskatzeko, ELA eta LAB sindikatuek kalejira protesta zaratatsua antolatu dute NUPeko ikasgela-eraikinetik abiatuta. NUPeko ikasle mugimenduak, komiteak eta mugimendu feministak protestan parte hartzera deituta daude.