Gipuzkoako ostatugintzan soldatak KPIaren arabera eguneratu, lanaldia murriztu eta ratioak hobetuko dituen akordioa lortu du ELAk

2022/07/05
Gipuzkoako ostatugintzan soldatak KPIaren arabera eguneratu, lanaldia murriztu eta ratioak hobetuko dituen akordioa lortu du ELAk
Gaur, uztailak 5, Gipuzkoako ostatugintzako negoziazio batzordearen bilera izan dute sindikatuek, eta patronalak sindikatuaren proposamenak onartzea erabaki du. Ondorioz, sektorerako hitzarmenerako akordioa lortu da, langileen onespenarekin (%67 baino gehiagoko ordezkaritza du ELAk). Uztailaren 7, 8 eta 9rako deitutako greba bertan behera geratu da.

Hona hemen lortutako zenbait neurri:

  • 2021eko abenduaren 31ko soldaten eguneratzea, %0,8ko igoerarekin, eta 2022. (%6,5), 2023. eta 2024. urteetarako KPIaren araberako igoerak.

  • Pisuetako zerbitzarientzako ratioak arautzeko betebeharra, lantoki bakoitzari egokitutako azterlanen bidez.

  • Gaueko ordutegian lan egindako orduak % 25ean osatuko dira.

  • 2023an zazpi lanordu murriztuko dira urteko lanaldian pisuetako zerbitzarientzat, eta beste bederatzi 2024an.

  • 25. artikuluari eusten zaio. Artikulu horrek soldata osatzen du salbuetsitako aldi baterako lan-erregulazioen kasuetan, covid-aren kasuan bezala.

ELAk uste du patronalak jarrera aldatu duela lantoki bakoitzean egindako lanketagatik eta langileek erakutsi duten indarragatik. Horregatik, langileak zoriondu nahi ditu. Beraz, uztailaren 7, 8 eta 9ko greba egunak bertan behera geratu dira.