Ordubeteko lanuzteak egunero, enpresa hitzarmenaren negoziazioa desblokeatzeko

2026/07/14 Industria eta Eraikuntza Gasteiz Gasteiz

DUISAko langileek egunero ordubeteko lanuzteak hasi dituzte gaur, 12:00etatik 13:00etara, enpresa hitzarmenaren lehen negoziazioaren blokeoa salatzeko eta zuzendaritzari benetako negoziazioari ekin diezaion eskatzeko.

Batzordeak salatu duenez, lan baldintzak hobetzea eta lan harreman egonkorrak bermatuko dituen lehen enpresa hitzarmena adosteko borondatea erakutsi arren, zuzendaritzak ez die langileen eskaera nagusiei erantzun eta ez du negoziazioan aurrera egiteko inolako konpromisorik agertu.