CIE Inyectametal-en kontratoak eteteko txostena ez du onartu Auzitegiak

Epaiak enpresak kontsulta epean fede txarrez jokatu duela azpimarratzen du. Fede txar hau bi eremutan eman dela dio. Batetik, Lan Agintaritzak eskatutako dokumentazioa epez kanpo emateagatik eta bestetik, agiri hauek komiteari ez emateagatik. Enpresaren jardueran “fede txar nabarmena eta akordiotara heltzeko benetako asmo gabezia” egon dela ondorioztatzen du.

Edukiari dagokionez, EEEa justifikatzen duen arrazoirik ez dagoela dio epaiak, ez dela arrazoi produktiborik, behin eta galerak esanguratsuki jeitsi direla eta negozioaren zifrak igo direla. Baita esaten du kontraesanetan sartzen dela enpresa gaur egungoa baino egoera latzagoan lana mantendu eta soldata igoerak emateko konprometitzen baitzen.