Grebaren jarraipen zabala

ELAk eskola-jantokien kudeaketa zuzeneko grebaren jarraipen masiboa nabarmendu du. Aste honetako lehen greba eguna, eta langileen gehiengo zabalak bat egin du deialdiarekin.

Sindikatuak publikoki salatu du Eusko Jaurlaritzak ezarritako gutxieneko zerbitzuen agindua. ELArentzat, neurri horiek gehiegizkoak dira eta ez diete jantoki-zerbitzua erabiltzen duten haurren benetako beharrei erantzuten.

ELAk gogorarazten du aldarrikapenek erantzunik gabe jarraitzen dutela. Negoziazio-mahaian ez da bermatzen KPIari lotutako soldata-igoerarik. .Era berean, ezinbestekotzat jo du negoziazio-mahaia desblokeatzea eta ratioei, lan-kargei eta gutxieneko lanaldiei irtenbidea emateko.

ELAk patronalari jarrera aldatzeko eta seriotasunez negoziatzeko eskatu dio, eta Hezkuntza Sailari gatazkan inplikatzeko eta bere ardura bere gain hartzeko eskatu dio.