Langile baten kaleratze bidegabea salatu du ELAk Olaberrian egindako kontzentrazio batean

Uztailaren 24an, Olaberriko (Gipuzkoa) Hine Renovables enpresako zuzendaritzak diziplinazko kaleratze bat egin zion langile bati; kaleratze hori bidegabea dela uste du ELAk, eta langileak beldurtzeko maniobra hutsa dela. Izan ere, 2026an zehar, sindikatua enpresa-hitzarmenaren negoziazioan murgilduta egon da; prozesu hori, greba tartean, duela aste batzuk amaitu zen, langileei mesede egiten zion akordio batekin. Orain, ordea, enpresak lankideak beldurtu nahi ditu kaleratze batekin. Horregatik, langileek elkarretaratzea egin dute gertatutakoa salatzeko.

Zuzendaritzak jarrera horrekin jarraitzen badu, ELAk mobilizazio gehiago iragarri ditu irailerako.

320 langile ditu Olaberriko HINE Renovables taldeko enpresa, eta energia eolikorako eta beste energia berriztagarri batzuetarako makineria, sistema hidraulikoak eta hozte-sistemak eraikitzen ditu.