Asientos del Nortek, Mercedes Benz-en hornitzailea, 41 langile kaleratzeko asmoa egertu du

2014/09/15
Bihar, asteartea, hilak 16, egingo dute lehenengo mobilizazioa multinazional alemaniarreko ateetan, goizeko eta arratsaldeko txandak sartu eta irteten direnean. Mobilizazio horren alde agertu dira Mercedes Benz-eko hornitzaileen parkeko ELA atal sindikal guztiak, eta baita multinazional alemaniarreko atal sindikal bera ere.

Joan zen astelehenean, hilak 8, ANSAren Zuzendaritzak erregulazio-espediente bat aurkeztu zuen, 41 langileren kontratuak amaitutzat jotzeko, oraingo plantillaren %30.

ELA sindikatuari onartezina iruditu zaio ANSA plantillaren aurkako eraso hori.

Lau haizeetara zabaldu dute Mercedes Benz multinazional alemaniarrean behin-behineko lanpostuak sortu direla, ikusteko dago orain nola isilaraziko duten langile mugagabe horien kaleratzearen berria. Aipatu beharrekoa da, bestalde, suntsituriko kontratuek soldata-baldintza hobeak zituztela, sorturikoek baino.

Jota harriturik uzten gaitu ikusteak zein lasaitasunez proposatzen dituzten kaleratzeak etekinak urtero-urtero, huts egin gabe, aitortzen dituzten enpresek, ANSAk besteak beste.

ELA sindikatutik gure elkartasuna eta konpromisoa agertzen diegu ANSAko langileei. Horrelako espedienteak bideratzeko dugun lege-esparrua onartu beharrez bagaude ere; ez dugu, besterik gabe, etsi egingo, eta aurka egingo diegu hain bidegabe diren egoera horiei.

Horregatik, kaleratzeak beste mobilizazio iragarriko ditugu, eta enpresariek egingo dizkiguten erasoak adina borroka. Espediente hori berehala erretiratzeko eskatzen dugu, eta elkarrizketa-prozesu bati ekiteko, ezarpenik eta xantaiarik gabe.