EHUko eta hezkuntza publikoko garbitzaileek ikasleen elkartasuna jaso dute

2016/11/10
EHUko eta hezkuntza publikoko garbitzaileek ikasleen elkartasuna jaso dute
Greban dauden garbitzaileak EHUko ikasleen elkartasuna jaso dute gaur eguerdian hiru campusetan egin diren manifestazioetan. Aste honetarako deitutako grebaren jarraipena erabatekoa izaten ari da Gipuzkoa eta Arabako campusetan, eta %70ekoa Leioan. Bestalde, grebaren jarraipena oso zabala izan da bigarren hezkuntzako ikastetxeetan. Gipuzkoan jarraipena %90koa izan da, Araban %80koa eta Bizkaian %70koa.

Ikasleek komunikatu batean salatu dutenez, "EHUk garbiketarako kontratatutako enpresek, langileen lan baldintzak izugarri prekarizatu dituzte azken aldian".

Hiru dira langileen aldarrikapen nagusiak: Lehena, soldatak %2,5 igotzea, 2010etik langileek soldatak izoztuta baitituzte. Bigarrena kontratazioari buruzkoa da; langileen erdiak lanaldi partzialeko kontratuak dituzte. Gainera, eskoletan lan egiten dutenei uztailean eta abuztuan soldataren %30a jaisten zaie, langabeziara bidaltzen dituztelako. Lanaldi partzialak osoak bihurtzeko erregulazio bat beharrezkoa da. Azkenik, lan erreforma ikusita, horren aurkako berme guztiak jasotzea galdegiten duten langileek.